საქართველოს მთავრობა ორ ახალ ვერტმფრენს საშუამავლო კომპანია Avinco-ს მეშვეობით გაყიდის. საქართველოს მთავრობამ ეკონომიკისა და მდგრადი განვითარების მინისტრს უკვე მიანიჭა უფლებამოსილება მაროკოულ კომპანია Avinco-თან ხელშეკრულება გააფორმოს, რომელიც შემდგომ VIP კლასის ვერტმფრენებს გაასხვისებს.
ეკონომიკისა და მდგრადი განვითარების სამინისტროში განმარტავენ, რომ ვერტმფრენები სესხითაა შეძენელი და, შესაბამისად, ახალი ვერტმფრენები სახელმწიფოსთვის ხელსაყრელი ფასით უნდა გასხვისდეს. სამინისტროში განმარტავენ, რომ მათ აქვთ ინფორმაცია, რომ Avinco-ს შესაბამისი მყიდველები ფაქტობრივად უკვე ნაპოვნი ყავს.
შეგახსენებთ, რომ ახალი მთავრობის ხელისუფლებაში მოსვლის შემდეგ ცნობილი გახდა, რომ ქვეყნის პირველი პირისთვის VIP კლასის 2 ვერტმფრენი იყო შეძენილი, თუმც მიხეილ სააკაშვილს აღნიშნული ვერტმფერენები არ ქონდა გამოყენებული, რადგანაც ისინი ჯერ კიდეც ქართული მხარისთვის ოფიციალურად გადმოცემული არ იყო.
