დღეს, 17 მაისს, ჰომოფობიასა და ტრანსფობიასთან ბრძოლის საერთშორისო დღისადმი მიძღვნილი აქცია-ფლეშმობი, რომელიც პარლამენტის ყოფილი შენობის წინ უნდა გამართულიყო პუშკინის სკვერში გაიმართება. აღნიშნულთან დაკავშირებით ინფორმაცია „იდენტობას" იურისტმა ნინო ბოლქვაძემ გაავრცელა.
შეგახსენებთ, რომ პარლამენტის ყოფილი შენობის წინ 13 საათზე ორგანიზაცია „იდენტობა", „ქალთა ინიციატივების მხარდამჭერი ჯგუფი" და სხვა უფლებადამცველები ჰომოფობიასა და ტრანსფობიასთან ბრძოლის საერთაშორისო დღის აღნიშვნას აპირებდნენ.
ამ დრომდე, რუსთაველის გამზირზე, საქართველოს პარლამენტის ყოფილი შენობის წინ, სასულიერო პირები და რიგითი მოქალაქეები არიან შეკრებილნი. მათ წუხანდელი ღამე პარლამენტის შენობის წინ გაატარეს. სასულიერო პირების და მათი მრევლის განცხადებით ლგბტ-პირებს აქცია-ფლეშმობის ჩატარების უფლებას არ მისცემენ. მობილიზებულია პოლიცია.