სოციალურ პროგრამაში ჩართულ სტუდენტებს სახელმწიფო სწავლის საფასურს სრულად დაუფარავს. როგორც ჟურნალისტებთან განათლების სამინისტროს სამართლებრივი უზრუნველყოფის დეპარტამენტის უფროსმა დავით ლომინაშვილმა განაცხადა სახელმწიფო სრულად დააფინანსებს გრანტს 2 ათას 50-ლარამდე.
,,მთავრობამ მიიღო გადაწყვეტილება რომელიც ითვალისწინებს გრანტების განაწილების წესში ცვლილებების შეტანას. როგორც ცნობილია პარლამენტმა ერთი თვის წინ მიიღო კანონი რომლის მიხედვით მთავრობას უფლებამოსილება მიენიჭა განსაზღვროს პროგრამის ფარგლებში დასაფინანსებელ პირთა კვოტა და ის 10 % დან 20%-მდე გაიზარდა, რაც თავის მხრივ გამოიხატება შემდეგში რომ წელს სოციალურ პროგრამაში მონაწილე სტუდენტების დაფინანსება გაორმაგება, კერძოდ სახელმწიფო სასწავლო გრანტისთვის ბიუჯეტით გათვალისწინებულია 22 მილიონ 8 000 ათასი ლარი საიდანაც 100 მილიონი ლარი წავა პროგრამულ დაფინანსებაზე რაც უზრუნველყოფს უფასო სწავლებას 16 სპეციალობაზე. ხოლო დარჩენილი 12 მილიონ 800 ათასი ლარი გადანაწილდება გრანტებზე. სწორედ ამ თანხის 20% გადანაწილდება სოციალურ პროგრამაში მონაწილე სტუდენტების დაფინანსებაზე. აქ შედის როგორც მრავალშვილიანები, ობლები, ასევე სოციალურად დაუცველი ოჯახების სტუდენტები", _განაცხადა ლომინაშვილმა.
მისივე თქმით გასულ წელს სოციალურად დაუცველი პროგრამის ფარგლებში 700-750 სტუდენტი დაფინანსდა, ხოლო ამიერიდან 1500-დან-1600-მდე სტუდენტი დაფინანსდება.
