სახალხო დამცველი ლგბტ აქციაზე პასუხისმგებლობას შსს-ს აკისრებს. როგორც ჟურნალისტებთან სახალხო დამცველის აპარატის მართლმსაჯულების დეპარტამენტის უფროსმა სოფო ბენაშვილმა განაცხადა, სახალხო დამცველის პოზიციაა, რომ ყველას აქვს გამოხატვის თავისუფლების უფლება.
,,სახელმწიფოს ეკისრება ვალდებულება, რომ მაქსიმალურად უზრუნველყოს და შესაბამისი ღონისძიებები გააკეთოს ნებისმიერი ინციდენტების პრევენციისა და აქციის მონაწილეების უსაფრთხოების დაცვის მიზნით, რათა აქციის მონაწილეებს ბოლომდე მიეცეთ აქციის ჩატარების შესაძლებობა. თუ წარმოიშვა დაპირისპირება, ამაზე პასუხისმგებლობა ეკისრება შს სამინისტროს, რომელიც მოწოდებულია იმისთვის, რომ დაიცვას აქციის მონაწილეთა უსაფრთხოება და საზოგადოებრივი წესრიგი", - განაცხადა სოფო ბენაშვილმა.
