პროკურატურა საქალაქო სასამართლოს გადაწყვეტილებას შს მინისტრის ყოფილი მოადგილის გელა ხვედელიძისთვის აღმკვეთის ღონისძიების სახით გირაოს შეფარდების საკითხს სააპელაციო სასამართლოში სავარაუდოდ დღეს გაასაჩივრებს.
შეგახსენებთ, რომ თბილისის საქალაქო სასამართლომ შს მინისტრის ყოფილი მოადგილეს გელა ხვედელიძეს აღმკვეთის ღონისძიების სახით 5 000-ლარი გირაო შეუფარდა.სასამართლო პროცესზე პროკურატურა პატიმრობის შეფარდებას მოითხოვდა, რაც მოსამართლემ არ დააკმაყოფილა. გირაოს გადახდის შემდეგ ხვედელიძემ საპატიმრო დაწესებულება უკვე დატოვა.
გელა ხვედელიძე სამართალდამცავებმა 12 მაისს დააკავეს და მას ბრალად პირადი საიდუმლოების ხელყოფა ედება. საუბარია ჟურნალისტ გიორგი ფარესაშვილის პირადი ცხოვრების ამსახველი ვიდეომასალის გავრცელებაზე.