უბედური შემთხვევა სოფელ ონტოფოში. ნიადაგის უცაბედი რღვევის შედეგად 42 წლის მამაკაცი გარდაიცვალა, რომელიც ინციდენტის მომენტში ამწეს მართავდა.
სატრანსპორტო საშუალებაში ამ დროისთვის 2 მგზავრი იმყოფებოდა, მათ სიცოცხელს საფრთხე არ ემუქრება. როგორც გაირკვა, მერსედესის მარკის ამწეს მძღოლი, სოფელ ონტოფოში მშენებარე ჰესიდან ბრუნდებოდა და მასში ჰესის თანამშრომლები იმყოფებოდნენ .
შეგახსენებთ, რომ ონტოფოს მოსახლეობა საგზაო ინფრასტრუქურის მოუწესრიგებლობას 21 იანვარს გამართულ აქციაზეც აპროტოესტებდა, მათ გზების შეკეთების მოთხოვნით მოძრაობაც გადაკეტეს. ავარიის შემთხვევის ადგილზე კრიმინალური პოლიციისა და ექსპერტიზის თანამშრომლები გვიან ღამამდე მუშაობდნენ, მდინარეში გადავარდნილი ამწეკრანის ამოყვანა კი ამ დრომდე არ მოხერხებულა. აღნიშნულ საქმეზე გამოძიება უკვე დაიწყო.
