ბათუმში ზღვამ ორი დელფინი გამორიყა. როგორც ასოციაცია "ფლორა და ფაუნას" გამგეობის თავმჯდომარე, არჩილ გუჩმანიძე აცხადებს, დელფინები სავარაუდოდ მორბივირუსით იყვნენ დაავადებულნი, რადგანაც შავ ზღვაში აღნიშნული დაავადების ეპიდემიაა.
არჩილ გუჩმანიძის განმარტებით, 2012 წელს, მორბივირუსით დაავადების პიკი იყო და ასოციაცია "ფლორა და ფაუნამ" საქართველოს საზღვაო აკვატორიაში დელფინების გამორიყვის 160-მდე შემთხვევა დაითვალა. როგორც გუჩმანიძე აცხადებს, დღევანდელი შემთხვევის გარდა, დღემდე დელფინების გამორიყვის 9 ფაქტი იყო დაფიქსირებული.
ასოციაცია "ფლორა და ფაუნას" გამგეობის თავმჯდომარის განმარტებით, მორბივირუსი, ძირითადად, თეთრგვერდა და ზღვის ღორის ჯიშის დელფინებში ვრცელდება.
აღსანიშნავია, რომ შავ ზღვაში 3 სახეობის დელფინი ბინადრობს, საიდანაც 2 წითელ წიგნშია შეტანილი.
მასალის გამოყენების პირობები