ოსი სეპარატისტების მიერ დაკავებული ორი ქართველის გიორგი შუბითიძისა და თორნიკე რიკაძის გათავისუფლების შესახებ მოლაპარაკებები ამ დრომდე მიმდინარეობს. ეს განცხადება სააგენტო "ჯი-ეიჩ-ენთან" საუბარში საქართველოს შს სამინისტროს საინფორმაციო და ანალიტიკური დეპარტამენტის დირექტორმა დავით სუჯაშვილმა გააკეთა.
"გუშინ დაკავებული 11 ქართველიდან არასრულწლოვანები, მოლაპარაკებების შედეგად გავათავისუფლეთ, ხოლოდ რაც შეეხება შუბითიძესა და რიკაძეს მათი გათავისუფლების შესახებ მოლაპარაკებები ჯერჯერობით მიმდინარეობს", _ განაცხადა სუჯაშვილმა სააგენტოსთან საუბარში.
შეგახსენებთ, რომ შუბითიძე და რიკაძე იმ დროს აიყვანეს, როდესაც ისინი ჯონჯოლის საკრეფად იყვნენ წასულნი.
აღსანიშნავია, რომ ქართველების დაკავების შესახებ ოსური მედია ინფორმაციას არ ავრცელებს.
მასალის გამოყენების პირობები