თსუ სტუდენტურ კონკურსში „მისია 2013" ხუთი ფინალისტი გამოვლინდა. კონკურსის პირველ ტურში უნივერსიტეტის სხვადასხვა ფაკულტეტის 55 გუნდმა მიიღო მონაწილეობა, შემოსული 57 პროექტიდან შიდაშესარჩევმა ჟიურიმ 5 საუკეთესო გამოავლინა. ფინალისტი გუნდები უნივერსიტეტის სხვადასხვა ფაკულტეტის წარმომადგენლები არიან. კონკურსის წკევანდელი პარტნიორი კომპანიის „ნატახტარის" გადაწყვეტილებით ფინალისტი გუნდებიდან გამორჩეულებს კომპანიაში ორთვიანი სტაჟირებაც ელით.
2 მაისს ივანე ჯავახიშვილის სახელობის თბილისის სახელმწიფო უნივერსიტეტში სტუდენტური კონკურსის - „მისია 2013" მეორე ტურის პრეზენტაცია გაიმართა.
კომპანია „ნატახტარის" წარმომადგენელმა ნინო სურმავამ ფინალისტ გუნდებს მეორე ტურის დავალება გააცნო. სტუდენტები 1 თვის განმავლობაში „ნატახტარის ლიმონათის ფონდის 2013 წლის საკომუნიკაციო კამპანიას" შემუშავებენ. ივნისის დასაწყისში 5 ფინალისტი გუნდი მოწვეული ჟიურის წინაშე პრეზენტაციებით წარდგება. ჟიური სამ საუკეთესო გუნდს გამოავლენს, გამარჯვებულებზე კონკურსის საპრიზო ფონდი 5000 ლარი გადანაწილდება:
I ადგილი - 2500 ლარი
II ადგილი - 1500 ლარი
III ადგილი - 1000 ლარი
თსუ-ს სტუდენტური კონკურსი მარკეტინგსა და პიარში უნივერსიტეტის ყოველწლიური პროექტია, რომელსაც უნივერსიტეტი და წარმატებული ქართული ბრენდი ერთობლივად ახორციელებენ. ყოველწლიურად კონკურსის მონაწილე ბრენდი იცვლება და კონკურსანტები ახალ იდეებს ახალი პარტნიორისთვის ქმნიან. 2013 წელს კონკურსის თანაორგანიზატორი კომპანია „ნატახტარია".
კონკურსის მიზანია სტუდენტების ახალი იდეების განხორციელებისა და პროფესიული განვითარების ხელშეწყობა, კონკურსის გამარჯვებული სტუდენტების პარტნიორ კომპანიასთან თანამშრომლობის უზრუნველყოფა და სამომავლო დასაქმების პერსპექტივის ზრდა. კონკურსანტებს საშუალება ეძლევათ გახდნენ კომპანიის მარკეტინგისა და პიარის ვირტუალური მენეჯერები, დაგეგმონ კონკრეტული აქტივობები, გაიმარჯვონ კონკურსში, მოიპოვონ ფულადი პრემია და განახორციელონ თავიანთი იდეები.
მასალის გამოყენების პირობები