აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია დევნილ მოსახლეობასთან შეხვედრებს განაგრძობს. 2 მაისს, ვახტან ყოლბაია თბილისში, აეროდრომის დასახლება ქუჩა #11-ში (მე-3 და მე-5 კორპუსი) კომპაქტურად ჩასახლებულ ობიექტებს ეწვევა, იძულებით გადაადგილებულ პირებს სააღდგომო საჩუქრებს გადასცემს და აღდგომის ბრწყინვალე დღესასწაულს მიულოცავს.
აღნიშნულ კომპაქტურ ჩასახლებებში 40-მდე დევნილი, მათ შორის II ჯგუფის ინვალიდები, ომის ვეტერანები, მარჩენალ-დაკარგული და სოციალურად დაუცველი ოჯახები ცხოვრობენ.
სააღდგომო აქცია აფხაზეთის მთავრობამ კომპანიებთან: „გაგრა+" , „მითანა", „ხარება", „თელიანი ველი", „IDS ბორჯომი საქართველო", „იფქლი" , „კანი", „კოკა-კოლა" ერთად განახორციელა.
აეროდრომის დასახლებაში დევნილებთან შეხვედრა 11:30 საათზე გაიმართება.