სახელმწიფო სერვისების განვითარების სააგენტოში დოკუმენტების გაცემისთვის საჭირო მინდობილობებისა და თანხმობების გაფორმება სახლიდან გაუსვლელად - ონლაინ რეჟიმში გახდა შესაძლებელი. აღნიშნული სერვისის პრეზენტაცია, დღეს, სერვისების განვითარების სააგენტოს თავმჯდომარემ ლევან სამადაშვილმა გამართა.
მისი თქმით, დისტანციური მომსახურების სამსახური საქართველოს მოქალაქეებს სთავაზობს ახალ სერვისს, რომლის საფუძველზეც ამჟამად უკვე საქართველოში მყოფ მოქალაქეებსაც აქვთ შესაძლებლობა სააგენტოს უფლებამოსილებას მიკუთვნებულ საკითხებთან დაკავშირებით ონლაინ რეჟიმში სხვა პირს გაუფორმონ მინდობილობა, რომელიც თავის მხრივ, სხვის ნაცვლად შეასრულებს მისთვის დავალებულ ამა თუ იმ მოქმედებას.
მაგალითვისთვის, მინდობილობის საფუძველზე საქართველოში მყოფი პირი უფლებამოსილია ელექტრონილი კომუნიკაციით მიანიჭოს უფლებამოსილება მესამე პირს, რომ გაიტანოს მის სახელზე დამზდებული პასპორტი, გააკეთოს განაცხადი რეგისტრაციის შეცვლის თაობაზე, პირადი ნომრის მინიჭების თაობაზე და მიიღოს სხავადასხვა შინაარსის ცნობები.
გარდა ამისა, დისტანციური მომსახურების სამსახური საქართველოს მოქალაქეებს კიდევ ერთ ახალ სერვისს სთავაზობს. მოქალაქეებს შეუძლიათ სახლიდან, ან სამსახურიდან გაუსვლელად, გამოხატონ თანხმობა არასრულწლოვანი შვილის პასპორტის გაცემაზე, მესამე პირის მისამართზე რეგისტრაციის თაობაზე და სხვა საკითხებზე.
ცნობისთვის, ამგვარი სერვისებით ამ დრომდე სარგებლობდნენ მხოლოდ საზღვარგარეთ მყოფი საქართველოს მოქალაქეები.
ახალი სერვისით სარგებლობის მსურველი სერვისების განვითარების სააგენტოს უნდა დაუკავშირდეს ტელეფონის ნომერზე: 2 405 405. მოქალაქეებს შესაძლებლობა აქვთ ტერიტორიულ სამსახურში გამოცხადების გარეშე, იუსტიციის სახლის ვებგვერდის საშუალებით შეავსონ განცხადება, აღნიშნული პროცედურისთვის ვიდეო ზარით მოქალაქის იდენთიფიკაცია საკმარისია.
