შინაგან საქმეთა სამინისტროს მთავარი სამმართველოს ვაკე-საბურთალოს სამმართველოს პოლიციის მესამე განყოფილების თანამშრომლებმა, ყაჩაღობის
ბრალდებით ირაკლი ს. და წარსულში თაღლითობისთვის ნასამართლევი, პირობითი
მსჯავრის ქვეშ მყოფი პაატა ფ. დააკავეს.გამოძიებამ დაადგინა, რომ დაკავებულებმა 2013 წლის 24 აპრილს თბილისში ნუცუბიძის მე-2 მ/რ სადისტრიბუციო ავტომანქანის მძღოლი ნუგზარ ნარინდოშვილი დააყაჩაღეს. ბრალდებულება მას ცივი იარაღის მუქარით 885 ლარი და მობილური ტელეფონი გასტაცეს. სამართალდამცველებმა ოპერატიულ-სამძებრო ღონისძიებების შედეგად პაატა ფ. რუსთაველის გამზირზე, ხოლო ირაკლი ს. დიღმის მასივში
დააკავეს. დაკავებულები აღიარებენ ჩადენილ დანაშაულს. გამოძიება ყაჩაღობის ფაქტზე მიმდინარეობს (სისხლის სამართლის კოდექსის 179-ე მუხლის მე-2 ნაწილით, რაც 6-დან 9 წლამდე პატიმრობას ივალისწინებს).
მასალის გამოყენების პირობები
