თბილისის მთავარი სამმართველოს დეტექტივების სამმართველოს მე-4 განყოფილების თანამშრომლებმა, ცეცხლსასროლი იარაღის უკანონოდ შეძენა-შენახვის ფაქტზე, წარსულში ნასამართლევი, 1989 წელს დაბადებული კონსტანტინე ს. დააკავეს.
სამართალდამცველებმა ჩატარებული სამძებრო-საგამოძიებო მოქმედებების შედეგად დაკავებულის საცხოვრებელი ბინის ჩხრეკისას ცეცხლსასროლი იარაღი ,,გოლდსტარ 2002" და ,,ნაგანი"-ს ტიპის უნომრო რევოლვერი ამოიღეს.
დაკავებული აღიარებს ჩადენილ დანაშაულს.
გამოძიება ცეცხლსასროლი იარაღის უკანონო შეძენა-შენახვის ფაქტზე მიმდინარეობს (საქართველოს სისხლის სამართლის კოდექსის 236-ე მუხლის 1-ლი ნაწილით).
მასალის გამოყენების პირობები
