საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს „ცხელ ხაზზე" 2013 წლის აპრილის თვის განმავლობაში 3068 მოქალაქის ზარი დაფიქსირდა.
იძულებით გადაადგილებულ პირთა ძირითადი საჭიროება უცვლელია და გასული თვეების მსგავსად, ძირითადად დევნილთა განსახლების საკითხებს ეხება. კერძოდ, დევნილი საზოგადოების ის ნაწილი, რომელთაც საბინაო პრობლემა წლების განმავლობაში არ მოგვარებიათ, აინტერესებთ, როდის დაკმაყოფილდებიან საცხოვრებელი ფართით.
განსახლების საკითხთან დაკავშირებით იანვრის თვეში 746 ზარი დაფიქსირდა; შენობის რეაბილიტაციისა და კომუნიკაციის საკითხებთან დაკავშირებით - 72; დევნილთა მონაცემთა ბაზაში ცვილებების განხორციელებასა და სტატუსის მოთხოვნასთან დაკავშირებით - 249 ზარი დაფიქსირდა; სოციალური და სხვა სახის დახმარებებთან დაკავშირებით 448 ზარი შემოვიდა.
სამინისტროს „ცხელი ხაზი" მუშაობს ორშაბათიდან პარასკევის ჩათვლით 10:00 საათიდან 19:00 საათამდე. „ცხელ ხაზზე" დაკავშირება შესაძლებელია შემდეგ ნომრებზე:
თბილისიდან: 14-07 ან 243 11 00;
მობილურიდან: (032) 243 11 00;
