სტუდენტური მოძრაობა "ლაბორატორია 1918" შრომის საერთაშორისო დღეს, 1-ელ მაისს მანიფესტაციას მოაწყობს .
აქცია მიზნად ისახავს შრომითი ურთიერთობების გადააზრების პროცესის წამოწყებას და საქართველოში ღირსეული და თავისუფალი შრომითი ურთიერთობების დამყარებას.
"ლაბორატორია 1918" მოითხოვს - 1-ელი მაისი გამოცხადდეს საყოველთაო დასვენების დღედ. ახალმა შრომის კოდექსმა უზრუნველყოს დასაქმებულთა ღირსეული სამუშაო პირობები და ღირსეული ცხოვრებისთვის აუცილებელი შრომის ანაზღაურება, მოხდეს უმუშევართა სოციალური კომპესაცია, დასაქმებულებს სამუშაო ადგილზე უფლება ჰქონდეთ მონაწილეობა მიიღონ ორგანიზაციის მართვაში.
სტუდენტები მოუწოდებენ ყველას ფუნდამენტური სოციალური საკითხების გარშემო გაერთიანებისკენ, რადგან სოციალურად დაუცველებთან, მასწავლებლებთან, ექიმებთან, მაღაროელებთან, მძღოლებთან, რკინიგზელებთან, სტუდენტებთან, პედაგოგებთან, მეეზოვეებთან და სხვა პროფესიის მქონე ადამიანებთან ერთად 1-ელ მაისი იქცეს შრომის საერთაშორისო დღედ.