მოსახლეობის 2014 წლის საყოველთაო აღწერასთან დაკავშირებით, დღეს სასტუმრო "რედისონში" დონორთა კონფერენცია გაიმართა. კონფერენციის მუშაობაში მონაწილეობა მიიღეს საქართველოში აკრედიტებული საელჩოების, მსოფლიო ბანკის, საერთაშორისო სავალუტო ფონდის, გაერთიანებული ერების ორგანიზაციისა და სხვა საერთაშორისო ორგანიზაციების წარმომადგენლებმა. კონფერენციის მიზანი იყო მოსახლეობის აღწერისათვის დონორთა დახმარების მობილიზება და კოორდინაცია. კონფერენციაში მონაწილეობა მიიღეს საქართველოს რეგიონული განვითარებისა და ინფრასტრუქტურის მინისტრმა, მოსახლეობის აღწერის სამთავრობო საკოორდინაციო კომისიის თავმჯდომარე დავით ნარმანიამ, საქართველოს სტატისტიკის ეროვნული სამსახურის აღმასრულებელმა დირექტორმა ზაზა ჭელიძემ და გაეროს მოსახლეობის ფონდის საქართველოს წარმომადგენლობის ხელმძღვანელმა თამარ ხომასურიძემ.