ხვალ, 1 მაისს 12:00 საათზე, სასტუმრო „შერატონ მეტეხი პალასში" შპს „როშ ჯორჯია" თემაზე: „C ჰეპატიტი - ალერსიანი მკვლელი" მედია სემინარს გამართავს. სემინარის მიზანია მედიის ინფომირებულობა, რათა მიზანმიმართულად მიაწოდოს მოსახლეობას სრული და ამომწურავი ინფორმაცია დაავადების შესახებ.
სემინარზე განხილული იქნება თემები: დაავადების რისკ-ფაქტორები, მისი მართვისა დ ადაძლევის გზები; როგორ იქმნება ინოვაციური მედიკამენტები, ხარისხის და უსაფრთოების მექანიზმები ფარმაციაში; საქართველოში C ჰეპატიტის სამკურნალო მედიკამენტზე ხელმისაწვდომობის გაზრდის გზები.
სემინარის დასასრულს, გამოცხადდება მედია კონკურსი C ჰეპატიტის თემაზე, რომლის მიზანია მედიის საშუალებით მიაწოდოს მოსახლეობას სასარგებლო და სურლი ინფორმაცია დაავადების შესახებ, მისი დაძლევის, მკურნალობისა და მართვის გზები, შპს „როშ ჯორჯიას" სიახლეებისა და მედიკამენტების შესახებ. მოცემული კონკურსი გამოავლენს შეჯიბრების მთავარ თემაზე მომზადებულ საუკეთესო მედია პროდუქციას (საგაზეთო სტატია, ინტერნეტ პუბლიკაცია, ბლოგი, ტელე და რადიო სიუჟეტი და სხვ.). კონკურსის დამთავრების შემდეგ გაიმართება დაჯილდოების ცერემონიალი.
დღეს, C ჰეპატიტი მედიცინის ერთ-ერთი მნიშვნელოვანი პრობლემაა. ჯანდაცვის მსოფლიო ორგანიზაციის მონაცემებით მსოფლიოში ამ ვირუსით 170 მილიონი ადამინია ინფიცირებული. C ჰეპატიტი ღვიძლის ციროზისა და კიბოს განვითარების ყველაზე ხშირი მიზეზია. დაავადება ძალზედ სერიოზულ პრობლემას წარმოადგენს, რადგან შემთხვევათა 75-85 პროცენტი ქრონიკულ მიმდინარეობას იძენს და ხშირად ღვიძლის ციროზით ან კიბოთი მთავრდება. სამწუხაროდ, C ჰეპატიტის პროფილაქტიკური ვაქცინა არ არსებობს. დაავდება უაღრესად სერიოზული პრობლემაა, საერთაშორისო გამოცდილება აჩვენებს, რომ C ჰეპატიტთან ბრძოლა მხოლოდ მთელი საზოგადოების ძალიხმევითაა შესაძლებელი.