თბილისში, მარჯანიშვილის #29 გაჩენილ ხანძარს 50 წლამდე ასაკის ქალი ემსხვერპლა. როგორც ,,ჯი-ეიჩ-ენთან" საუბარში ქალაქ თბილის საგანგებო სიტუაციებისა და მართვის სააგენტოს უფროსის მოადგილემ ნოდარ ჭუმბაძემ განაცხადა ხანძარი ამ ეტაპზე ლიკვიდირებულია.
მისივე განაცხადებით, ხანძარი სამსართულიანი საცხოვრებელი შენობის მეორე სართულზე გაჩნდა, რის შედეგად ქალი დაიღუპა, რომელიც წლების განმავლობაში ლოგინად ჩავარდნილი იყო.
,,ხანძრის შედეგად დამწვარია დაახლოებით 25 კვ.მ ფართი. ამ დროისთვის ხანძარი უკვე ლიკვიდირებულია, თუმცა არსებობდა საშიშროება, რომ ცეცხლი მესამე სართულზეც გადასულიყო" _განაცხადა ნოდარ ჭუმბაძემ ,,ჯი-ეიჩ-ენთან" საუბარში და აღნიშნა, რომ ხანძრის გამომწვევი მიზეზების დასადგენად შესაბამისი ორგანოები უკვე მუშაობენ.
მასალის გამოყენების პირობები
