ლარსის გამშვები პუნქტი პირველ ივნისიდან 24 საათიან რეჟიმში იმუშავებს. როგორც ჟურნალისტებთან პრემიერ-მინისტრის სპეციალურმა წარმომადგენელმა რუსეთთან ურთიერთობის საკითხებში ზურაბ აბაშიძემ განაცხადა ლარსის გამშვები პუნქტის მუდმივი მუშაობა საჭიროა იმისთვის, რომ ქართული პროდუქცია რუსეთის ბაზარზე უმოკლესი გზით გავიდეს.
აბაშიძის განცხადებით, ამ საკითხით დაინტერესებულია თურქული მხარეც, რადგან მას სურს, სოჭის ოლიმპიადისთვის გარკვეული სახის ტვირთები გადაზიდოს.
,,თურქეთი დაინტერესებულია, რომ სოჭის ოლიმპიადისთვის საკმაოდ დიდი ტვირთები ტრანზიტის სახით გაატაროს საქართველოს ტერიტორიაზე", - აღნიშნა აბაშიძემ.
