მოსკოვში რუსმა სამართადამცავებმა ქართველი ე.წ. კანონიერი ქურდი, 31 წლის ნიკო დგებუაძე დააკავეს. დგებუაძე კრიმინალურ სამყაროში "ნიკა გაგრინსკის" ზედმეტსახელითაა ცნობილი. პირადი ჩხრეკისას მას ნარკოტიკული საშუალება ჰაშიში აღმოაჩნდა.
რუსული მედიის ინფორმაციით, ნიკოს მხოლოდ ერთი ნასამართლეობა აქვს და მისი კრიმინალური წარსული მაინცდამაინც მდიდარი არ არის. ის 2002 წელს "მატროსსკაია ტიშინაში" ჰეროინის შენახვის გამო იჯდა, თუმცა ეს მას მაინც არ უშლის ხელს იმაში, რომ ერთ ერთი ყველაზე შესამჩნევი ფიგურა იყოს ასევე ე.წ. კანონიერი ქურდის გელა ქარდავას მომხრეებს შორის, რომელთა ე.წ. ქურდად კურთხევა ბოლო ერთი წლის განმავლობაში მოხდა.
ნიკოს ძირითადი პროტეჟე კი რომელმაც მას ე.წ. ქურდულ სამყაროში გზა გაუკვალა თავად ასლან უსოიანი ანუ იგივე "დედ ჰასანი" იყო.