ლაფანყურის სპეცოპერაციისას გარდაცვლილი ბაჰაუდინ ალდამოვის და ბაჰაუდინ ბაღაკაშვილის ცხედრებს ხელახალი ექსპერტიზა ჩაუტარდებათ. როგორც ,,მაესტროსთან" საუბარში გარდაცვლილი ქისტების მშობლებმა განაცხადეს, ცხედრების ექსგუმაციას იმის გამო დათანხმდნენ, რომ ძველი ექსპერტიზის პასუხები განადგურებულია და ახალი ექსპერტიზის პასუხები ძალიან მნიშვნელოვანია.
„შეგვატყობინეს, რომ უნდა ჩატარდეს ექსპერტიზა და ჩვენც დავთანხმდით. იმიტომ, რომ ყველაზე ძალიან ის გვაინტერესებს, რომ გამოძიება დამთავრდეს და ყველა დამნაშავე დაისაჯოს კანონის ფარგლებში,"- განაცხადა ბაჰაუდინ ალდამოვის მამამ, ახლუდინ ალდამოვმა.
მათი ინფორმაციით, ხელახალი ექსპერტიზა ცხედრებს ამ კვირაში ჩაუტარდებათ.
