ლევილის მამული შესაძლოა საქართველოს წელსვე გადმოეცეს.ამის შესახებ საქართველოს კულტურისა და ძეგლთა დაცვის მინისტრმა გურამ ოდიშარიამ განაცხადა.
როგორც კულტურის მინისტრმა პროექტ "ღია მმართველობის" ფარგლებში მედიის წარმომადგენლებთან შეხვედრაზე განაცხადა, „ლევილის გადმოცემა საქართველოსადმი, ფაქტობრივად, ისეთ ფაზაში იმყოფება, რომ შესაძლოა, წელსაც უკვე საქართველოს გადმოეცეს. ეს იქნება ასევე ჩვენი ერთ-ერთი კულტურული ცენტრი საფრანგეთში".
"ლევილის ქართული მამულის საქართველოსათვის გადმოცემასთან დაკავშირებით შექმნილ სამთავრობო კომისიაში პირველად შევიდა კულტურის სამინისტრო, რაც მიუთითებს ჩვენ , რომ ლევილის ისტორიულ აღიარებასთან ერთად, მას კულტურული ცენტრის სტატუს მივანჭებთ. ასევე დაიწყო საუბარი ლონდონში, ბრიუსელსა და ვენაში ქართული კერების ამოქმედებაზე, რაც ხელს შეუწყობს ეროვნული კულტურის პოპულარიზაციას", - განაცხადა ოდიშარიამ.
მასალის გამოყენების პირობები
