ქუთაისის აკაკი წერეთლის სახელმწიფო უნივერსიტეტის ფინანსურ დოკუმენტაციას პროკურატურა სწავლობს.
უწყება უმაღლეს სასწავლებელში არსებული სიტუაციით მას შემდეგ დაინტერესდა, რაც უნივერსიტეტის რამდენიმე ლექტორმა პროკურატურას წერილით მიმართა.
გამოძიება სისხლის სამართლის კოდექსის 182-ე მუხლის მეორე ნაწილით მიმდინარეობს, რომელიც თანხის მითვისებას და გაფლანგვას გულისხმობს.
ფინანსური დოკუმენტაციის პროკურატურის მიერ გამოთხოვნას უნივერისიტეტის ადმინისტრაციაში ადასტურებენ, თუმცა ზუსტი მიზეზი მათთვის უცნობია.
