იშხნის ტაძრის რეაბილიტაციის პროცესში, უხეში ჩარევით, მუშებმა ტაძართან საძვალე გათხარეს. ფოტოები თავად ადგილზე მომუშავე ხელოსნებმა ქართველ სპეციალისტებს მიაწოდეს და შემდეგ სოციალური ქსელით გავრცელდა.
ფოტოებზე ჩანს არქეოლოგების ზედამხედველობის გარეშე გახსნილი საძვალე. სამარხიდან გამოტანილი ძვლები კი იქვე ეზოში სახელდახელოდ გათხრილ ორმოში ერთად ჩაყარეს.
ქართველი მკვლევარები ვარაუდობენ, რომ ისინი, შესაძლოა, იშხანში მოღვაწე უმაღლეს სასულიერო პირებს ან სამეფო ოჯახის წარმომადგენლებს ეკუთვნოდეთ.
