ეროვნულ-დემოკრატიული ინსტიტუტის მიერ ჩატარებული კვლევის თანახმად (NDI) გამოკითხულთა 68% საპრეზიდენტო არჩევნებში მონაწილეობას გეგმავს, ხოლო რესპონდენტთა 32% სპრეზიდენტო არჩევნებში მონაწილეობის მიღებას არ აპირებს. ამავე კვლევის თანახმად, გამოკითხულთა 58% აპირებს, რომ საპრეზიდენტო არჩევნებზე კოალიციის კანდიდატურას დაუჭიროს მხარი, ხოლო 8% კი ,,ნაციონალური მოძრაობის" საპრეზიდენტო კანდიდატს დაუჭერს მხარს, გამოკითხულთა 17% კი ჯერ არ გადაუწყვეტია რომელი პარტიის კანდიდატურად დაუჭერს მხარს.
შეგახსენებთ, რომ კვლევა ჩატარდა 2013 წლის 13 მარტიდან 27 მარტის პერიოდში. კვლევისას საქართველოს მასშტაბით 3 103 რესპონდენტი პირისპირი ინტერვიუს პრინციპით გამოიკითხა. კვლევაში საშუალო ცდომილების ზღვარი +-2, 5%. NDI-ის კვლევა შვედეთის საერთაშორისო თანამშრომლობის განვითარების სააგენტომ დააფინანსა, ხოლო კვლევა კავკასიის კვლევითი რესურსების ცენტრმა ჩაატარა