ნოტარიუსებს საკვალიფიკაციო გამოცდის ჩაბარება 18 მაისს მოწევთ. „ნოტარიუსთა საკვალიფიკაციო გამოცდის ჩატარების წესისა და საკვალიფიკაციო საგამოცდო კომისიის დებულების" შესახებ იუსტიციის მინისტრის თეა წულუკიანის ბრძანება ,,საკანონმდებლო მაცნეში" უკვე გამოქვეყნდა.
წულუკიანის ბრძანებებით, „ნოტარიუსთა საკვალიფიკაციო გამოცდის ჩატარების წესისა და საკვალიფიკაციო საგამოცდო კომისიის დებულების" მე-4 მუხლის შესაბამისად, დაინიშნა ნოტარიუსთა საკვალიფიკაციო გამოცდა 2013 წლის 18 მაისს, ნოტარიუსთა საკვალიფიკაციო გამოცდა ჩატარდეს ტესტური ფორმით ორ ეტაპად - ზოგადი უნარ-ჩვევები (ვერბალური და მათემატიკური ნაწილები) და პროფესიული ნაწილი, გამოცდის ჩაბარების მსურველთა განცხადებებისა და თანდართული საბუთების მიღების მიზნით, საჯარო სამართლის იურიდიულმა პირმა - საქართველოს იუსტიციის სასწავლო ცენტრმა (შემდგომში - იუსტიციის სასწავლო ცენტრი) უზრუნველყოს საკვალიფიკაციო საგამოცდო კომისიის სამდივნოს შექმნა, იუსტიციის სასწავლო ცენტრმა უზრუნველყოს საკვალიფიკაციო გამოცდის ჩასატარებლად აუცილებელი ორგანიზაციული ღონისძიებების განხორციელება, ბრძანება ძალაშია ხელმოწერისთანავე.
