პროექტ ESIB-ის პარტნიორ 11 ქვეყანაში ენერგეტიკული სააგენტოების და ცენტრების შექმნა და განვითარება წარმოადგენს უმნიშვნელოვანეს ამოცანას, რაც საშუალებას იძლევა სახელმწიფო დონეზე მოხდეს ენერგეტიკული ბაზრის მთავარი მოთამაშეებისა და სხვა დაინტერესებული მხარეების გაერთიანება, შეიქმნას ინფორმაციის გაცვლისა და მონიტორინგის ერთიანი სისტემა, განხორციელდეს პროექტების კოორდინაცია და სტიმულირება ენერგოეფექტურობის, განახლებადი ენერგეტიკის და ამ საკითხებთან დაკავშირებული ინოვაციების დარგში.
კონფერენცია განიხილავს იმ მიზნებსა და ამოცანებს, რომლებიც დგას ენერგეტიკული სააგენტოებისა და ცენტრების წინაშე და მოიცავს შემდეგ საკითხებს:

ენერგეტიკული პოლიტიკის მხარდაჭერა სახელმწიფო, რეგიონალურ და ლოკალურ დონეზე;
ერთიანი სისტემის შექმნა ენერგეტიკული ბაზრის მონაწილეების შორის თანამშრომლობისათვის სახელმწიფო, რეგიონალურ და ადგილობრივ დონეზე;
ენერგოეფექტურობის, განახლებადი ენერგიის წყაროებისა და ინოვაციების სფეროში:
პოლიტიკის ხელშეწყობა სახელმწიფო, რეგიონალურ და ადგილობრივ დონეებზე
პროექტების საინვესტიციო მიმზიდველობის ხელშეწყობა;
პროექტების განხორციელების პოპულარიზაცია და სტიმულირება;
საინფორმაციო კამპანიების და პროპაგანდის განხორციელება ენერგიის რაციონალური გამოყენების შესახებ;

ასევე განხილული იქნება ისეთი საკითხები, როგორიცაა ენერგეტიკული სააგენტოების და ცენტრების: საკანონმდებლო და მარეგულირებელი გარემო; შესაძლებლობების გაფართოების პოტენციალი; უერთიერთობა ენერგეტიკული ბაზრის მონაწილეებსა და ძირითად დაინტერესებულ მხარეებს შორის „ESIB"-ის პროექტის პარტნიორი ქვეყნებსა და ევროკავშირის ქვეყნების „წარმატებული მაგალითების" გათვალისწინებით.

შეხვედრაში მონაწილეობას მიიღებენ ევროკავშირის ელჩი საქართველოში, საქართველოს ენერგეტიკისა და ბუნებრივი რესურსების, ეკონომიკისა და მდგრადი განვითარების სამინისტროების უმაღლესი პირები, DEVCO EuropAid-ის წარმომადგენელი ბრიუსელიდან, ენერგეტიკული სააგენტოების და ცენტრების წარმომადგენლები პროექტ „ESIB"-ის პარტნიორი ქვეყნებიდან და საერთაშორისო ექსპერტები.