ხვალ, 18 აპრილს, 11:00 საათზე, თავისუფლების, რუსთაველის და მარჯანიშვილის მეტროებში აქცია "კულტურული მემკვიდრეობა: შეისწავლე და გაუფრთხილდი" გაიმართება.
აქცია ძეგლთა დაცვის საერთაშორისო დღესთან დაკავშირებით სახალხო უნივერსიტეტთა გერმანული ასოციაციის საერთაშორისო თანამშრომლობის ინსტიტუტის ინიციატივით გაიმართება.
პროექტის "SOS-გადავარჩინოთ კულტურა" მიზანია მივიწყებული კულტურული ძეგლების აღორძინება სომხეთის და საქართველოს მოსაზღვრე რეგიონებში. სამხრეთ კავკასიის მთელ ტერიტორიაზე მრავლადაა კულტურული მემკვიდრეობის უყურადღებოდ დატოვებულ ძეგლებს, რომლებსაც ძალიან ჭირდება მოვლა და ყურადღება.
ძეგლთა დაცვის საერთაშორისო დღეს, კლუბების წევრები გეგმავენ დაურიგონ თბილისელებს და თბილისის სტუმრებს მათ მიერ შექმნილი ტურისტული რუკები, სადაც ასახულია ქვემო ქართლის კულტურული მემკვიდრეობა და საინტერესო ტურისტული მარშრუტები, რომლებიც პროექტის მონაწილეების მიერ არის შემუშავებული.
პროექტი 2012 წლის იანვარში დაიწყო ბუნების და კულტურული მემკვიდრეობის დაცვის ფონდთან და არასამთავრობო ორგანიზაცია სომხური არქიტექტურის კვლევასთან ერთად.
პროექტი ევროკავშირის მიერ ფინანსდება აღმოსავლეთ პარტნიორობის პროგრამის ფარგლებში.