,,ქრისტიან-დემოკრატიული მოძრაობა" სასოფლო-სამეურნეო მიწებთან დაკავშირებით მორატორიუმის გამოცხადებას ითხოვს. როგორც პარტიის წევრებმა ,,პირველი რადიოს" პრესკლუბში სტუმრობისას განაცხადეს ხელისუფლება Yთუ სასოფლო-სამეურნეო დანიშნულების მიწებთან დაკავშირებით მორატორიუმს არ გამოაცხადებს ისინი რეფერენდუმის კუთხით კამპანიას დაიწყებენ.
„ქდმ"-ს ლიდერები მოუწოდებენ ხელისუფლებას უახლოეს პერიოდში უცხოელებისთვის მიწის შესყიდვასთან დაკავშირებით მორატორიუმი გამოაცხადოს, რათა შეჩერდეს ეს პროცესი.
„წინააღმდეგ შემთხვევაში იქნება შეუქცევადი პროცესი, როდესაც საქართველოს მოქალაქისთვის აღარ იქნება სასოფლო-სამეურნეო დანიშნულების მიწები. მორატორიუმის გამოცხადების შემდეგ უნდა მოვიფიქროთ, როგორ მოვაწესრიგოთ ეს პროცესი",- განაცხადა ,,ქდმ_ს წევრმა ლევან ვეფხვაძემ.
მისივე თქმით, აბსოლუტურად ლეგიტიმურია მიწის საკუთრებაზე გარკვეული შეზღუდვების დაწესება, განსაკუთრებით კი უცხოელებზე.
