ლილოს ტერიტორიაზე მდებარე რამდენიმე სუპერმარკეტიდან, სურსათის ეროვნული სააგენტოს თანამშრომლებმა ვადაგასული პროდუქცია ამოიღეს.
სააგენტოს თანამშრომლების მიერ ჩატარებული შემოწმების შედეგად, სუპერმარკეტებში ვადაგასული ტკბილეული, ძეხვეული, საკონდიტრო ნაწარმი, კონსერვები და რძის პროდუქტები აღმოაჩინეს.
სპეციალისტებმა ვადაგასული პროდუქცია დალუქეს. კანონმდებლობის მიხედვით, ეს პროდუქტი განადგურებას ექვემდებარება.
სურსათის ეროვნული სააგენტოს თბილისის სამმართველოს უფროსის დავით ქავთარაძის განცხადებით, შესაბამისი დოკუმენტაციის მომზადების შემდეგ, აღნიშნული პროდუქტის ქსელიდან ამოღება და მისი განადგურება მოხდება.
