13-14 აპრილს აჭარის ა/რ ჯანმრთელობისა და სოციალური დაცვის სამინისტროს, საჯარო მოხელეთა ატესტაცია ჩატარდება, რომელსაც გასაუბრების ფორმა ექნება.
სამინისტროს
ინფორმაციით, საჯარო მოხელეთა შეფასება მოხდება აჭარის ა/რ ჯანმრთელობისა და სოციალური დაცვის მინისტრის 2013 წლის 4 მარტის №2/ნ ბრძანებით დამტკიცებული აჭარის ა/რ ჯანმრთელობისა და სოციალური დაცვის სამინისტროს საჯარო მოხელეთა დამატებითი საკვალიფიკაციო მოთხოვნების ცოდნისა და საატესტაციო პერიოდში მოხელის შესრულებული სამუშაოს ანალიზის საფუძველზე. ატესტაციას სამინისტროს 44 თანამშრომელი გაივლის.
საატესტაციო კომისიას უხელმძღვანელებს აჭარის ავტონომიური რესპუბლიკის ჯანმრთელობისა და სოციალური დაცვის მინისტრი ნუგზარ სურმანიძე.
კომისია დაკოპლექტებულია შემდეგი შემადგენლობით: აჭარის ავტონომიური რესპუბლიკის უმაღლესი საბჭოს ჯანმრთელობის დაცვისა და სოციალურ საკითხთა კომისიის თავმჯდომარე ჯემალ ფუტკარაძე, აჭარის ავტონომიური რესპუბლიკის მთავრობის აპარატის საჯარო სამსახურის ბიუროს უფროსი როლანდ შარაშიძე, „სამოქალაქო საზოგადოების ინსტიტუტი"-ს ბათუმის ფილიალის წარმომადგენელი ნათია აფხაზავა, აჭარის ავტონომიური რესპუბლიკის ჯანმრთელობისა და სოციალური დაცვის მინისტრის მოადგილეები რომან ბოლქვაძე, ნონა გალოგრე და რამაზ ჯინჭარაძე.
