მედიაკავშირ „ობიექტივის" ხელმძღვანელი, ირმა ინაშვილი ტელეარხების მხრიდან კონკრეტული რესპოდენტების ბლოკირებაზე განცხადებას ავრცელებს, რომელსაც უცვლელად გთავაზობთ:
„დარწმუნებუი ვიყავი, რომ ოქტომბრის არჩევნების შემდეგ, ტელეარხების მხრიდან კონკრეტული რესპონდენტების ბლოკირების მახინჯი პრაქტიკა რადიკალურად შეიცვლებოდა. ძალიან ვწუხვარ, მაგრამ არაფერი შეცვლილა. მაგალითისთვის, მე (კვლავინდებურად) არც ერთ არხზე არ მიწვევენ.
რაც შეეხება, თემების კომენტირებას, ორი დღის წინ "მაესტროს", მე-9 არხს, საზოგადოებრივ მაუწყებელს, რუსთავი-2-ს მოკლე კომენტარი მივეცი, პრემიერის განცხადებასთან დაკავშირებით (მესამე ძალის თემა). ჩემი კოლეგები თავად დამიკავშირდნენ და, რა თქმა უნდა, უარი არავისთვის მითქვამს, მაგრამ ჯობდა არც ერთი არხისთვის არ მიმეცა ინტერვიუ. სულ 5 ხმოვანი არსებობს. თითო არხმა თითო ხმოვანი წარმომათქმევინა, სულ ეს იყო... პირველმა არხმა მათქმევინა-ა... მე-9 არხმა- ე... რუსთავი-2-მა- ი, "მაესტრომ"- ო... ხოლო "იმედი" საერთოდ არ მოსულა და ამიტომაც ვირტუალურად ვუთხარი-უ.
მაინტერესებს, როცა ჟურნალისტურ სტანდარტებზე ვსაუბრობთ, ამას გულისხმობენ ჩვენი კოლეგები "სტანდარტებში"?... არ ვიცი, ეს დილეტანტიზმის ბრალია, თუ... ფაქტია, რომ ქართული ტელეჟურნალისტიკა მძიმე კრიზისშია. ესაა პროფესიონალური და მორალური კრიზისი. მეტიც, ამაზე თვალს ხუჭავენ თავად ჟურნალისტები, პროდუსერები, არხების მფლობელები. რესპონდენტის აზრის დამახინჯება კი არ ხდება მხოლოდ, არამედ ფაქტების დამახინჯება ხდება. შემიძლია, კონკრეტული მაგალითებით ვისაუბრო. მზად ვარ, ნებისმიერ არხს ვესტუმრო და მონაწილეობა მივიღო ამ თემაზე გამართულ დებატებში." - ნათქვამია განცხადებაში.
