კახეთში ქარისა და სეტყვისგან მიყენებულ ზარალს სპეციალური კომისია შეისწავლის. Aადგილობრივი ხელისუფლების განცხადებით, ზარალი ყველა ოჯახს აუნაზღაურდება.
,,ზარალის დამთვლელი კომისია უკვე შექმნილია და ადგილზე სტიქიისგან მიყენებულ ზარალს კომისია სწავლობს. ამ ეტაპზე ზუსტად არ გვაქვს დადგენილი რამდენი ბინა დაიტბორა, თუმცა მე რაც ვნახე რამდენიმე ბინაა დატბორილი", - განაცხადა სოფლის რწმუნებულმა თემურ გიგაურმა.
შეგახსენებთ, რომ ძლიერმა სეტყვამ ყვარელისა და თელავის სოფლები დააზარალა. სტიქია დაახლოებით ნახევარი საათის განმავლობაში გრძელდებოდა. სეტყვამ და ქარმა ადგილობრივების განცხადებით, ხეხილი დააზარალა.
