რუსთაველის გამზირზე, 9 აპრილის მემორიალთან საქართველოში ამერიკის შეერთებული შტატების ელჩი რიჩარდ ნორლანდი მივიდა და მემორიალი გვირგვინით შეამკო.
როგორც მან აღნიშნა, დღევანდელი დღე საქართველოს ისტორიაში ტრაგიკული დღეა.
მისი თქმით, აშშ 24 წლის წინ, როდესაც აღნიშნული ტრაგედია მოხდა, საბჭოთა კავშირის საქმეებში ჩართული იყო.
"მე ვიმყოფებოდი მოსკოვში ამერიკის საელჩოში, ჯეიმს რუბინი კი, ვაშინგტონში და ჩვენ ორივეს კარგად გვახსოვს 9 აპრილი", - განაცხადა ნორლანდმა.
დღეს 1989 წლის 9 აპრილს, რუსთაველის გამზირზე დატრიალებული ტრაგედიიდან 24 წელი გავიდა.
დღის განმავლობაში რუსთაველის გამზირზე მდებარე 9 აპრილის მემორიალს ყვავილებით შეამკობენ და დაღუპულებს პატივს მიაგებენ საქართველოს მთავრობისა და პარლამენტის წევრები, პოლიტიკური პარტიებისა და საზოგადოებრივი ორგანიზაციების ლიდერები და წევრები, სასულიერო პირები, დაღუპულთა ოჯახის წევრები და ახლობლები, რიგითი მოქალაქეები.
