შინაგან საქმეთა მინისტრი ირაკლი ღარიბაშვილი 9 აპრილის მემორიალთან მივიდა. მინისტრმა მემორიალი გვირგვინით შეამკო და 1989 წლის 9 აპრილის მოვლენების დროს დაღუპულთა ხსოვნას პატივი მიაგო.
"ეს არის ამავდროულად ჩვენი ქვეყნის, ჩვენი ერის ტკივილი, ტრაგედია. ამავდროულად, 9 აპრილის აქციის მონაწილეებმა გვაჩვენეს და მოგვცეს შესანიშნავი მაგალითი ჩვენი ქვეყნის სიყვარულის და რაც მთავრია ჩვენი თავისუფლების სიყვარულის შესანიშნავი მაგალითი", - განაცხადა შს მინისტრმა ირაკლი ღარიბაშვილმა.
