საქართველოს ტქნიკურ უნივერსიტეტში მოგზაურ ჯუმბერ ლეჟავას ახალი პროექტის - "ჯუმბერ ლეჟავა და ევრაზია" - პრეზენტაცია გაიმართა. მსოფლიო ველომოგზაური, გინესის მრავალგზის რეკორდსმენი ჯუმბერ ლეჟავა ახალ, მე-7 ლაშქრობას ევრაზიის ქვეყნების გავლით გეგმავს. 74 წლის მოგზაური გზას 9 მაისს გაუდგება და ორი წლის განმავლობაში, თანმხლებ ჯგუფთან ერთად, 30 ათას კილომეტრზე მეტს დაფარავს.
გზადაგზა 30-ზე მეტი ქვეყნის ტერიტორიაზე გავლისას მას, სავარაუდოდ, 40 ათასამდე ველომოყვარული შეუერთდება და გარკვეულ მანძილს გაივლიან.
პროექტი, რომლის პრეზენტაცია საქართველოს ტექნიკურ უნივერსიტეტში 7 აპრილს გაიმართა, საქართველოს კათალიკოს-პატრიარქის, უწმინდესისა და უნეტარესის ილია II-ის ლოცვა-კურთხევით, საქართველოსა და და საზღვარგარეთის ქვეყნების სამინისტროების, უწყებებისა ცალკეული ფირმების მხარდაჭერით ხორციელდება.
