დღეს, 8 აპრილს, 21:00 საათზე, სიონის საკათედრო ტაძარში, 1989 წლის 9 აპრილს დაღუპულთა სულის მოსახსენიებელი საყოველთაო პარაკლისი აღევლინება.
ღონისძიების ორგანიზატორების ინფორმაციით, პარაკლისის დამთავრების შემდეგ, ტაძრიდან, ყველა დამსწრე პირი გადაინაცვლებს შარდენზე მდებარე კლუბ "ბამბა რუმსში", სადაც ამავე კლუბის ინიციტივით და ორგანიზებით ამ დღისადმი მიძღვნილი საღამო ჩატარდება.
ღონისძიების დასრულების შემდეგ მოეწყობა მშვიდობიანი მსვლელობა რუსთაველის გამზირისკენ, რომელიც საქართველოს პარლამენტის შენობასთან დასრულდება.
ღონისძიებას დაესწრებიან 1989 წლის 9 აპრილის ტრაგედიაში მონაწილე პირები, უცხოელი სტუმრები და საზოგადო მოღვაწეები. ღონისძიებაზე დასწრება შეუძლია ყველა დაინტერესებულ პირს.
