პრეზიდენტი მიხეილ სააკაშვილი მართლმადიდებელ ერს ხარებას ულოცავს. როგორც პრეზიდენტის ადმინისტრაციის მიერ გავრცელებულ მილოცვის განცხადებაშია აღნიშნული ,,ჩემო ძვირფასებო, მართლმადიდებელი სამყარო და ქრისტიანული ეკლესია ერთ-ერთ საუფლო დღესასწაულს, ხარებას აღნიშნავს, რომელსაც განსაკუთრებულად ზეიმობს ყოველი ჩვენგანი. ამ დღეს ყოვლადწმინდა მარიამთან ერთად მთელ კაცობრიობას ეუწყა, რომ დედამიწას მესია მოევლინებოდა.
მინდა თითოეულ მართლმადიდებელს მივულოცო ეს დღესასწაული და მშვიდობა, კეთილდღეობა და წინსვლა ვუსურვო თქვენს ოჯახებს. უფლისა და ღვთისმშობლის მფარველობა არ მოკლებოდეს ჩვენს სამშობლოს, ერთიან, ძლიერ, გაბრწყინებულ საქართველოში გვეცხოვროს", _ ნათქვამია განცხადებაში.
