საქართველოს სტატისტიკის ეროვნულ სამსახურს ორდღიანი სამუშაო ვიზიტით შვედეთის სტატისტიკის გენერალური დირექტორი სტეფან ლუნდგრენი ეწვია.
ვიზიტის ფარგლებში შვედეთის სტატისტიკის გენერალური დირექტორი შეხვედრებს მართავს საქსტატის ხელმძღვანელობასთან, საქსტატის საბჭოს წევრებთან, საერთაშორისო და დონორ ორგანიზაციებთან. შეხვედრების დროს განიხილება საქსტატის და შვედეთის სტატისტიკის ერთობლივი პროექტი და მომავალი თანამშრომლობის მიმართულებები.
შეგახსენებთ, რომ საქსტატსა და შვედეთის სტატისტიკას შორის 3-წლიანი თანამშრომლობის პროექტის ფარგლებში შვედეთის სტატისტიკა საქსტატს ტექნიკურ დახმარებას უწევს თითქმის ყველა ძირითადი სტატისტიკური კვლევების ხარისხის გაუმჯობესების მიმართულებით. პროექტი მთლიანად დაფინანსებულია შვედეთის საერთაშორისო განვითარების სააგენტოს (SIDA) მიერ
