ირანელმა ბიზნესმენებმა აჭარაში შესაძლოა სირაქლემების ფერმა ააშენონ. ამ მიმართულებით, ინტერესი ინვესტორებმა უკვე ღიად დააფიქსირეს. აჭარის უმაღლესი საბჭოს თავმჯდომარის ავთანდილ ბერიძის განმარტებით, რომელიც დღეს ირანული კომპანია "PISC COMPANY"-ის წარმომადგენლებს შეხვდა, ირანელი ბიზნესმენები აჭარაში სირაქლემების ფერმის მოწყობით არიან დაინტერესებულები.
"ირანელი ბიზნესმენები აჭარაში სირაქლემების ფერმის მოწყობით არიან დაინტერესებულები. როგორც ცნობილია, ამის მცდელობა ჩვენს რეგიონში ადრეც იყო. გარდა ამისა, კომპანია პარფიუმერიის მწარმოებელი საწარმოს დაფუძნებასა და ამ სფეროს განვითარებასაც გეგმავს, ასევე სურთ გასართობი ცენტრებისა და სხვა მნიშვნელოვანი ობიექტების მშენებლობა, - განაცხადა უმაღლესი საბჭოს თავმჯდომარემ.
"რამდენადაც ჩვენთვის ცნობილია, დიდია საქართველოს, კერძოდ აჭარის რეგიონის საინვესტიციო პოტენციალი, სწორედ ამიტომ მზად ვართ, ჩვენი ბიზნესწინადადებები შემოგთავაზოთ და მათი მოწონების შემთხვევაში, აქტიურ ქმედებებზე გადავიდეთ, - აღნიშნა შეხვედრის შემდეგ "PISC COMPANY"-ის ხელმძრვანელმა კია საიდმა.
აღსანიშნავია, რომ კომპანიის მესვეურები, როგორც მათ უმაღლესი საბჭოს თავმჯდომარესთან შეხვედრისას აღნიშნეს, აჭარაში რამდენიმე მიმართულებით გეგმავენ ინვესტირებას, ერთ-ერთი მათ შორის, სოფლის მეურნეობაა:
