6-8 აპრილს იტალიის ქალაქ ჩერეაში გაიმართება ყოველწლიური საერთაშორისო გამოფენა სახელწოდებით "ვინი ვერი". გამოფენაზე წარმოდგენილი იქნება 130-ზე მეტი ნატურალური ღვინის მწარმოებელი კომპანია იტალიიდან და ევროპის სხვა ქვეყნებდან.
"ღვინის ეროვნული სააგენტოს" ორგანიზებით გამოფენაზე წარმოდგენილი იქნება 12 ქართული ნატურალური ღვინის მწარმოებელი კომპანია. ესენია: "ხოხბის ცრემლები", "ალავერდის მონასტრის მარანი", "იაგოს ღვინო", "ჯაყელების ღვინოები", "ნიკოლოზ ანთაძის მარანი", "კახა ბერიშვილის მარანი", "ჩვენი ღვინო", "გაიოზ სოფრომაძის მარანი", "ნიკოლაძეების მარანი", "მარანი ნიკა", "თელედა" და "ტყუპების საღვინე სახლი". გამოფენის სტუმრები შეძლებენ ქართული ღვინის დაგემოვნებას.
გამოფენის მსვლელობისას დაგეგმილია შეხვედრები რესტორნების მფლობელებთან და აღნიშნულ დარგში მომუშავე ჟურნალისტებთან.
ქართველი მეღვინეების გამოფენაში მონაწილეობა ხელს შეუწყობს ქართული ღვინის კულტურის პოპულარიზებას და მათთვის დამატებითი გაყიდვების გზების მოძიებას.