ამის შესახებ ცესკო-ს მიერ მიღებულ დადგენილებაშია აღნიშნული.

დადგენილების თანახმად, საარჩევნო სუბიექტების მიერ წარდგენილ მაჟორიტარ კანდიდატებს შემდეგი რიგითი ნომრები განესაზღვრათ:

№1 - „კახა კუკავა - თავისუფალი საქართველო".
№4 - „ეროვნულ-დემოკრატიული პარტია".
№5 - პოლიტიკური გაერთიანება „ერთიანი ნაციონალური მოძრაობა".
№9 - „სამართლიანი საქართველოსთვის".
№19 - პოლიტიკური მოძრაობა „თავისუფლება - ზვიად გამსახურდიას გზა".
№30 - „მერაბ კოსტავას საზოგადოება".
№36 - პოლიტიკური გაერთიანება „საქართველოს მშრომელთა საბჭო".
№38 - „შალვა ნათელაშვილი - საქართველოს ლეიბორისტული პარტია".
№41 - საარჩევნო ბლოკი „ბიძინა ივანიშვილი - ქართული ოცნება".

აღნიშნული განკარგულება თბილისის საქალაქო სასამართლოს ადმინისტრაციულ საქმეთა კოლეგიაში, მიღებიდან 2 კალენდარული დღის ვადაში შეიძლება გასაჩივრდეს. დადგენილება 28 მარტსაა მიღებული.

2012 წლის 1 ოქტომბრის საპარლამენტო არჩევნებში ნაძალადევის, სამტრედიისა და ბაღდათის ოლქებში კოალიცია „ქართული ოცნების" სიით გამარჯვებულ დეპუტატებს - თეა წულუკიანს, კახა კალაძესა და არჩილ კბილაშვილს პარლამენტის წევრის უფლებამოსილება საკანონმდებლოდან აღმასრულებელ ხელისუფლებაში გადასვლის გამო შეუწყდათ. ამის გამო, სამივე ოლქში ხელახალი შუალედური არჩევნები 27 აპრილს ჩატარდება.