ჯანმრთელობის გაკვეთილები აჭარის საჯარო სკოლებში გრძელდება. დღეს, საინფორმაციო/საგანმანათლებლო შეხვედრა ბათუმის №15 საჯარო სკოლაში მოეწყო. „აჭარის საზოგადოებრივი ჯანდაცვის ცენტრის" წარმომადგენლებმა მოსწავლეებს გაკვეთილი მხედევლობისა და სქოლიოზის შესახებ ჩაუტარეს.
დღესვე, აჭარის ა/რ განათლების, კულტურისა და სპორტის მინისტრის მოადგილემ ლადო მგალობლიშვილმა განაცხადა, რომ სამინისტრომ გაითვალისწინა აჭარის ჯანდაცვის სამინისტროს რეკომენდაცია და მოავალ წელს აჭარის საჯარო სკოლებში სასკოლო მერხების შეძენა მოსწავლეთა ასაკის გათვალისწინებით მოხდება.
ჯანმრთელობის კავეთილები აჭარის ა/რ საზოგადოებრივი ჯანდაცვის ცენტრის 2013 წლის მიზნობრივი პროგრამის: ,,დაავადებათა პრევენცია და პროფილაქტიკა" ფარგლებში ტარდება.
საზოგადოებრივი ჯანდაცვის ცენტრის წარმომადგენლებმა საგანმანათლებლო გაკვეთილები უკვე ჩაუტარეს ბათუმის №1, №2, №3, №4 და ქობულეთის მუნიციპალიტეტის საჯარო სკოლების V, VI, VII კლასის მოსწავლეებს.
დღემდე განხორციელებულია 15 შეხვედრა, ჯანმრთელობის გაკვეთილები მოსმენილი აქვს 500- მდე მოსწავლეს. საინფორმაციო/საგანმანათლებლო შეხვედრები გაგრძელდება სასწავლო წლის ბოლომდე.
მასალის გამოყენების პირობები