აფხაზეთში მართლმადიდებელ სასულიერი პირებს, მრევლსა და საქართველოს მართლმადიდებელ ეკლესიას შორის არსებული პრობლემების გადაწყვეტა შესაძლებელია მხოლოდ საეკლესიო კანონების დაცვით. ამის შესახებ რუსეთის საპატრიარქოს საგარეო საეკლესიო კავშირების განყოფილების ხელმძღვანელმა, მიტროპოლიტმა ილარიონმა სოჭში აფხაზ სეპარატისტთა ლიდერთან ალექსანდრე ანქვაბთან და საქართველოს მართლმადიდებლური ეკლესიის წარმომადგენელთან მეუფე სერაფიმთან შეხვედრისას განაცხადა. ინფორმაციას ამის შესახებ რუსული მედია ავრცელებს.
აფხაზ სეპარატისტთა ლიდერმა ალექსანდრე ანქვბმა შეხვედრისას აღნიშნა, რომ აფხაზეთის სასულიერო პირებსა და საქართველოს მართლმადიდებელ ხალხს შორის კავშირები უკვე კარგა ხანია დაკარგულია და მათი აღდგენა შეუძლებელია.
თავის მხრივ, ამ განცხადებაზე, მიტროპოლიტმა ილარიონმა მას უპასუხა, რომ "პრობლემის გადაწყვეტა მხოლოდ საეკლესიო კანონების მკაცრი დაცვითაა შესაძლებელი", - ნათქვამია რუსეთიოს მართლამდიდებელი ეკლესის საპატრიარქოს მიერ გავრცელებულ განცხადებაში.
მეუფე სერაფიმემ შეხვედრაზე აღნიშნა, რომ დიდი მნიშვნელობა აქვს ეკლესიის სამშვიდობო მისიას, რომელიც მიმართულია ხალხებს შორის მეგობრობის გამყარებისაკენ.
"შეხვედრის მონაწილეებმა მოცემულ თემაზე შეხვედრების გაგრძელების აუცილებლობის სურვილი გამოთქვეს", _ ნათქვამია შეხვედრის შედეგების შესახებ გავრცელებულ განცხადებაში.
რუსეთის პატრიარქი კირილი 12 მარტს მოსკოვში შეხვდა ალექსანდრე ანქვაბს, მაგრამ მაშინ შეხვედრის შედეგების იფიციალური ინფორმაცია არ გავრცელებულა.
