მთავრობამ სოციალური რეაბილიტაციისა და ბავშვთა ზრუნვის გეგმა დაამტკიცა. როგორც დღეს მთავრობის სხდომის დასრულების შემდეგ ჯანდაცვის მინისტრმა დავით სერგეენკომ განაცხადა, საუბარია ძირითად 12 მიმართულებაზე, რომელიც მოიცავს რეაბილიტაციას, დამხმარე საშუალებებით აღჭურვას, სპეციალურ მკურნალობას და ასევე სპეციალურ მოვლას.
"ჯამური ბიუჯეტი შარშანდელთან შედარებით გაიზარდა 2 მლნ ლარით, და წელს 17,5 მლნ ლარი შეადგინა. ასევე მოხდა პრიორიტეტების ხელახალი გადახედვა და გათვალისწინებული იქნა დარგის ექსპერტების, სახალხო დამცველის ოფისის და არასამთავრობო ორგანიზაციების რეკომენდაციები"- განაცხადა სერგეენკომ.