დღეს ჩვენ პარტნიორ საფინანსო ინსტიტუტებთან ერთად, მაქვს პატივი, რომ "აგრო კრედიტის" პროგრამის დაწყების შესახებ გაუწყოთ. ეს არის ის გზა, რომელიც ძალიან ბევრმა ქვეყანამ გაიარა, მათ შორის აღმოსავლეთ ევროპის ქვეყნებმა. სწორედ ამ მეთოდით მუშაობდნენ ვიდრე ევროკავშირის წევრები გახდებოდნენ"- განმაცხადა დავით კირვალიძემ.
სოფლის მეურნეობის მინისტრის მოადგილის შალვა ფიფიას განმარტებით, აგრო კრედიტის პროგრამაში ჩართულნი არიან 11 კომერციული ბანკი და 2 მიკროსაფინანსო ორგანიზაცია. მისივე ინფორმაციით, პროექტი სამი კომპონენტისგან შედგება.
"პირველი კომპონენტი მცირე ფერმერებზეა გამიზნული, ანუ იმ ადამიანებზე, რომლებიც "მცირე მიწიან ფერმერთა ხელშეწყობის" პროგრამის ბენეფიციარები არიან და ასევე სხვა ფერმერებზე. ეს არის სასაქონლო განვადება 5 ათას ლარამდე. დღემდე 6 თვემდე 0%-იანი განვადება აქამდეც მოქმედებდა, მაგრამ ეს არ იყო სასოფლო სამეურნეო პროდუქციაზე, მაგალითად სათესლე მასალაზე, პესტიციდებზე,
მერე კომპონენტია 24 თვიანი 5 ათასი ლარიდან 100 ათას ლარამდე სესხები საშუალო და მსხვილი ფერმერებისათვის. მიზნობრიობა ძირითადად არის საბრუნავი სახსრების დაფინანსება. ამ კომპონენტში კრედიტების მაქსიმალური საპროცენტო განაკვეთი 8 %-ი იქნება.
რაც შეეხება მესამე კომპონენტს ის განკუთვნილია აგროსაწარმოებისათვის, 30 ათასი დოლარიდან 600 ათას დოლარამდე, გრძელვადიანი სესხები 7 წლამდე ვადით. საპროცენტო განაკვეთი მსესხებლისთვის იქნება მაქსიმუმ 3 %-ი, რაც საშუალებას მისცემთ აგრო მეწარმეებს განავითარონ საქმიანობა"- განაცხადა პროექტის პრეზენტაციისას შალვა ფიფიამ.

მხოლოდ I კომპონენტში ჩვენი პარტნიორი საფიანასო ინსტიტუტებია:
ვითიბი ბანკი, ბანკი კონსტანტა, კრედო, კრისტალი, ლიბერთი ბანკი

I I კომპონენტი

არაუმეტეს 8%-ის შეღავათიანი აგროკრედიტი საშუალო და მსხვილი ფერმერებისთვის 5000 - 100 000 ლარამდე არაუმეტეს 2 წლის

• საშუალო და მსხვილი ფერმერების შემთხვევაში, საქმე გვაქვს ჩამოყალიბებულ მეწარმესთან (ფერმერთან), რომლის შემოსავლების ძირითადი ნაწილი აგრო საქმიანობაა.
• პროექტი ითვალისწინებს საფინანსო ინსტიტუტების მიერ დაწესებული სესხის საპროცენტო განაკვეთის გარკვეული ნაწილის დაფინანსებას სააგენტოს მიერ.
მეწარმისთვის, ფერმერისთვის სესხი იქნება არაუმეტეს წლიური -8%-ის.
ერთ ბენეფიციარზე გაცემული შეღავათიანი სესხების ჯამური თანხა განისაზღვრება 5 000 ლარიდან 100 000 ლარამდე.
იმისთვის, რომ პოტენციურმა ბენეფიციარმა ისარგებლოს შეღავათიანი აგროკრედიტით, იგი უნდა აკმაყოფილებდეს საფინანსო ინსტიტუტის მიერ ასეთი ტიპის სესხების გაცემის წინაპირობებს და წინამდებარე პროექტის მოთხოვნებს.
ამ კომპონენტში სესხი გაიცემა სასოფლო-სამეურნეო საქმიანობის დასაფინანსებლად, შემდეგი მიზნობრიობით:
• სასოფლო-სამეურნეო დანიშნულების საბრუნავი საშუალებების დაფინანსება (მათ შორის: ერთწლიანი კულტურების სათესი და სარგავი მასალის, პესტიციდების, სასუქების, არასანაშენე და მოზარდი პირუტყვის, ფრინველის, თევზის და მათი საკვების, ფუტკრის ოჯახის და სკების, ვეტ-პრეპარატებისშეძენა, შრომითი რესურსების, სასოფლო-სამეურნეო ტექნიკის და სატრანსპორტო საშუალებების დაქირავება, სხვადასხვა სახის ინვენტარის შეძენა);
• სასოფლო-სამეურნეო დანიშნულების ძირითადი საშუალებების დაფინანსება (მათ შორის: სანაშენე და პროდუქტიული პირუტყვის, ფრინველის და თევზის შეძენა, სათბურის აშენება, სარწყავი სისტემების მოწყობა);
კრედიტის ვადა დამოკიდებულია მის მიზნობრიობაზე და განისაზღვრება შემდეგნაირად:
• საბრუნავი საშუალებების დაფინანსება მემცენარეობისათვის (მათ შორის: ერთწლიანი კულტურების სათესი და სარგავი მასალის, პესტიციდების, სასუქების, სხვადასხვა სახის ინვენტარის შეძენა; შრომითი რესურსების, სასოფლო-სამეურნეო ტექნიკის და სატრანსპორტო საშუალებების დაქირავება;) - არაუმეტეს 12 თვის;

• საბრუნავი საშუალებების დაფინანსება მეცხოველეობისთვის (მათ შორის: არასანაშენე და მოზარდი პირუტყვის, ფრინველის, თევზის და მათი საკვების, ფუტკრის ოჯახის და სკების, ვეტ-პრეპარატების, სხვადასხვა სახის ინვენტარის შეძენა; შრომითი რესურსების, სასოფლო-სამეურნეო ტექნიკის და სატრანსპორტო საშუალებების დაქირავება) - არაუმეტეს 18 თვის;

• სასოფლო-სამეურნეო დანიშნულების ძირითადი საშუალებების დაფინანსება (მათ შორის: სანაშენე და პროდუქტიული პირუტყვის, ფრინველის და თევზის შეძენა, სათბურის აშენება, სარწყავი სისტემების მოწყობა) - არაუმეტეს 24 თვის.

მხოლოდ I I კომპონენტში ჩვენი პარტნიორი საფიანასო ინსტიტუტებია:
ბაზისბანკი, ბანკი რესპუბლიკა, ბანკი ქართუ, ვითიბი ბანკი, თიბისი ბანკი, კონსტანტა, კორ სტანდარტ ბანკი, ლიბერთი ბანკი, პროკრედიტ ბანკი, საქართველოს ბანკი, ხალიკ ბანკი;

I I I კომპონენტი

არაუმეტეს 3 %-ის შეღავათიანი აგროკრედიტი სასოფლო - სამეურნეო საწარმოებისთვის 1 მილიონ ლარამდე (ექვივალენტი აშშ დოლარში) არაუმეტეს 7 წლის ვადით

მინიმუმ 60 ახალი საწარმოს შექმნისთვის

სოფლის მეურნეობის განვითარებისთვის აუცილებელ წინაპირობას წარმოადგენს მიღებული მოსავლის დამატებითი ღირებულების შემქმნელი ინფრასტრუქტურის არსებობა. ამ მიზნით, შეიქმნა შესაბამისი ინსტრუმენტი შეღავათიანი კრედიტის სახით, რომელიც გულისხმობს მოსავლის აღების შემდგომი, ნებისმიერი სახის პროდუქციის გადამამუშავებელი ინფრასტრუქტურის(შემნახველი, სასაწყობე, დამფასოებელი, სამაცივრე მეურნეობები და გადამამუშავებელი საწარმოები), ასევე სხვა ტიპის ინფრასტრუქტურული პროექტების (თანამედროვე ფერმები, სასათბურე მეურნეობები, სარწყავი სისტემები) განვითარების ინიციატივების იაფი და გრძელვადიანი ფულადი რესურსით მხარდაჭერას. 2013 წელს ამ კომპონენტში იგეგმება არანაკლებ 60 საწარმოს დაფინანსება.
იმისთვის, რომ პოტენციურმა ბენეფიციარმა ისარგებლოს შეღავათიანი აგროკრედიტით, იგი უნდა აკმაყოფილებდეს საფინანსო ინსტიტუტის, ბანკის მიერ ასეთი ტიპის სესხების გაცემის წინაპირობებს. ამ კომპონენტის ფარგლებში დაფინანსდება ახალი სასოფლო-სამეურნეო საწარმოების შექმნა და არსებული საწარმოების ტექნოლოგიური გადაიარაღება, მათ შორის: გადამამუშავებელი საწარმოები, ინფრასტრუქტურული საწარმოები, ინტენსიური ტიპის პირველადი სასოფლო-სამეურნეო საწარმოები.
ამ კომპონენტით სასესხო თანხა განისაზღვრება 30 000 აშშ დოლარიდან 600 000 აშშ დოლარამდე, ვადა - არაუმეტეს 84 თვე.
საფინანსო ინსტიტუტის მიერ დადგენილი საპროცენტო განაკვეთების სესხის გრაფიკის შესაბამისად, მსესხებლის პარალელურად სააგენტო გადაიხდის. შესაბამისად, მეწარმისთვის, მსესხებლისთვის ეს სესხი იქნება არაუმეტეს 3 %-ისა.

მხოლოდ I I I კომპონენტში ჩვენი პარტნიორი საფიანასო ინსტიტუტებია:
ბაზისბანკი, ბანკი რესპუბლიკა, ბანკი ქართუ, ვითიბი ბანკი, თიბისი ბანკი, ბანკი კონსტანტა, კორ სტანდარტ ბანკი, ლიბერთი ბანკი, პროკრედიტ ბანკი, საქართველოს ბანკი, ხალიკ ბანკი;

კონსულტაციისთვის დარეკეთ:

სოფლის მეურნეობის პროექტების მართვის სააგენტოს
ცხელ ხაზზე : 247 01 01

ბაზისბანკი:
ტელ: 292 29 22

ბანკი რესპუბლიკა:
ტელ:290 90 90

ბანკი ქართუ:
ტელ:292 55 92/91/90

ვითიბი ბანკი:
ტელ:224 24 24

თიბისი ბანკი:
ტელ:227 27 27

ბანკი კონსტანტა:
ტელ:240 14 01

კორ სტანდარტ ბანკი:
ტელ:255 00 00 (*5050)

ლიბერთი ბანკი:
ტელ:255 55 00

პროკრედიტ ბანკი:
ტელ:220 22 22

საქართველოს ბანკი:
ტელ:244 44 44

ხალიკ ბანკი:
ტელ:224 07 07 (*126)

კრედო:
ტელ:243 42 42

კრისტალი:
ტელ:0431 25 22 44