ყველაზე ძვირი ტურისტული ტურის ღირებულება 1,44 მლნ დოლარია. ის 2 წლის განმავლობაში გრძელდება და 962 ტურისტულ მიმართულებას მოიცავს. აღნიშნული ძვირადღირებული ტური ტურისტებს ბრიტანულმა კომპანია "VeryFirstTo"-მ შესთავაზა. აღნიშნული კომპანია ტურისტებს ძირითადად "ლუსი" კლასის ტურებს სთავაზობს და ახალი შეთავაზებაც სწორედ ამ ბიზნეს სეგმენტზეა გათვლილი. 2 წლიანი ტური მოიცავს ისეთ მნიშვნელოვან ტურისტულ მიმართულებებს, როგორებიცაა: ტაჯ-მახალი ინდოეთში; ტაძრები კამბოჯაში; პირამიდები ეგვიპტეში; ჩინეთის დიდი კედელი; მაჩუ-პიკჩუ, გრანდ-კანონი, პეტრა იორდანიაში; ვატიკანი, კანადის ნაციონალური პარკი და სხვა.
მოგზაურები განთავსებულნი იქნებიან მსოფლიოს საუკეთესო სასტუმროებში, როგორებიცაა მაგალითად "Hotel George V" პარიზში, "Plaza" ნიუ-იორკში, "Cipriani" ვენეციაში, Ritz-Carlton" მოსკოვში და "Taj Mahal Palace" მუმბაიში.
