თამბაქოს მოხმარებაზე კონტროლი მკაცრდება_ამის შესახებ ჟურნალისტებთან მთავრობის სხდომის დასრულების შემდეგ ჯანდაცვის მინისტრმა დავით სერგეენკომ განაცხადა და აღნიშნა, რომ ამ მიზნით თამბაქოს მოხმარების შეზღუდვის კომისია შეიქმნა.
,,თამბაქოს მოხმარების შეზღუდვის კომისია არის ის ინსტრუმენტი რომელიც განსაზღვრავს და მეთვალყურეობას უწევს ამ სტრატეგიის განხორციელებას. სტრატეგია მიმართულია რამდენიმე მიმართულებით. აკრძალვა არის ერთ-ერთი მიმართულება. თამბაქოს მოხმარების აკრძალვას, რაც შეეხება საზოგადოების თავშეყრის ადგილებში საერთაშორისო გამოცდილება გვაჩვენებს, რომ ეს არის ერთ-ერთი ყველაზე ეფექტური მეთოდი თამბაქოს მოხმარების შესამცირებლად. ბევრად ეფექტური ვიდრე ჩანაცვლება, ელექტრონული სიგარეტებით", _განაცხადა სერგეენკომ და აღნიშნა, რომ ევროპული კონცეფციის მიხედვით, რომელსაც საქართველოცაა მიერთებული განსაზღვრულია სად იკრძალება და სად არა თამბაქოს მოხმარება.
