საქართველოს მთავრობის ახალი პროექტის - „ საქართველოს მთავრობა ღია მმართველობისათვის" ფარგლებში, ოკუპირებული ტერიტორიებიდან იძულებით დაგაადგილებულ პირთა, განსახლებისა და ლტოლვილთა მინისტრი დავით დარახველიძე დღეს ჟურნალისტებს შეხვდა და მათ კითხვებს უპასუხა. აღნიშნული პროექტის მიზანია მთავრობის მუშაობა გახდეს უფრო ღია და გამჭვირვალე და ტრადიციად იქცეს ანგარიშვალდებულება საკუთარ მოქალაქეებთან.
დავით დარახველიძემ მედიასთან შეხვედრა იმ სიახლეებზე საუბრით დაიწყო, რაც სამინისტროში განხორციელდა. როგორც მინისტრმა აღნიშნა, სამინისტროს კარები გაიხსნა ყველა დევნილისათვის. კვირაში 4 დღის განმავლობაში მათ საშუალება აქვთ მოვიდნენ და პირადად ესაუბრინ მინისტრს და მის მოადგილეებს: „დღემდე 10 000-მდე დევნილი იმყოფებოდა მიღების დღეებზე. ეს ეხმარება სამინისტროს, უკეთ განსაზღვროს ცალკეული დევნილის პრობლემები და მის გადაჭრაზე იფიქროს. დევნილებთან პირადი საუბრებით გამოვლინდა მათი ძირითადი საჭიროებები. ესენია: საცხოვრებელი ფართები, დასაქმება, ჯანმრთელობა, განათლება და სხვ. გამოვლენილ ძირითად საჭიროებებზე დაყრდნობით, განაწილდა სამინისტროს 2013 წლის ბიუჯეტიც. მთლიანობაში ეს 50 მილიონ ლარს შეადგენს, ამას ემატება 83 მილიონი, რომელსაც რეგიონული განვითარებისა და ინფრასტრუქტურის სამინისტრო გამოყოფს. ასევე ემატება სარეაბილიტაციო შენობები, რომელსაც, ეკონომიკის გადასცემს დევნილთა სამინისტროს. ჯამში, ეს ციფრი, უძრავ ქონებასთან ერთად 150 მილიონს შეადგენს. ამ ეტაპზე, 308 დევნილ ოჯახს გადაეცა ფართი სკუთრებაში, ხოლო 300-მდე ოჯახს დაუმტკიცდა ის სახლი, სადაც აქამდე ცოვრობდა. სარემონტო სამუშაოები ჩატარდა 26 ობიექტზე."
მინისტრმა, ასევე, აღნიშნა, რომ ცვლილება შევიდა სამინისტროს სტრატეგიაში. ეს ეხება მშენებლობებს დედაქალაქში, წინა მთავრობის სტრატეგიის მიხედვით, დევნილთა საცხოვრებელი ფართით დაკმაყოფილება შესაძლებელი იყო მხოლოდ რეგიონებში. დღევანდელი მთავრობის გადაწყვეტილებით, ეს პუნქტი სტრატეგიიდან ამოღებულია და მშენებლობები დევნილთა გრძელვადიანი განსახლებისათვის თბილისშიც დაიწყება.
მინისტრმა, სამინისტროს ახალი ინიციატივის „დევნილთა მეგობართა კლუბის" შექმნის შესახებ ისაუბრა. ეს არის ერთგვარი გაერთიანება, რომლის ფარგლებშიც სხვადასხვა კომპანიები გარკვეულ შეღავათებსა და დახმარებას უწევენ დევნილ მოსახლეობას, იქნება ეს ჯანმრთელობის, განათლების, კულტურისა თუ სხვა სფეროში.
„ასევე, სამინისტროს ახალი ინიციატივაა დევნილთა ფსიქოლოგიური რეაბილიტაციის სამი პროექტი. ესენია: დევნილ ქალთა ფსიქოლოგიური რეაბილიტაციის ცენტრი, დევნილ ბავშვთა ფსიქოლოგიური რეაბილიტაციის ცენტრი და ფსიქოლოგიური კონსულტაციები დევნილთათვის და ლტოლვილთათვის ქართულ და ინგლისურ ენებზე"- აღნიშნა მინისტრმა.
დავით დარახველიძემ ასევე ისაუბრა სამინისტროში შეიქმნილ რამდენიმე სამუშაო ჯგუფზე, რომლებიც სხვადასხვა მიმართულებით ახორციელებენ პროექტებს. მათგან ერთ-ერთია საკანონმდებლო ცვლილებებზე მომუშავე ჯგუფი. იწერება ახალი კანონი დევნილთა შესახებ, რომელს წარდგენასაც პარლამენტში სამინისტრო გაზაფხულის სესიაზე გეგმავს.
სიახლეებზე საუბარი დავით დარახველიძემ დევნილთა განსალხბის კრიტერიუმებით დაასარულა: „სამინისტრომ სამეთვალყურეო საბჭოსთან, პარტნიორ და დონორ ორგანიზაციებთან ერთად, ასევე, იმ სამინისტროს წარმომადგენლებთან, რომელთა სამსახურიც დაკავშირებულია დევნილთა საკითხებთან, შეიმუშავა დევნილთა გრძელვადიანი განსახლების კრიტერიუმები დღემდე სამინისტროს მსგავსი კრიტერიუმები არ გააჩნდა. კრიტერიუმები იქივე ქულათა სისტემაა, რომელიც დევნილი ოჯახის საჭიროებების შეფასებისას დაჯამდება. დევნილი ოჯახი, რომელიც მეტ ქულას დააგროვებს პრიორიტეტულად ჩაითვლება. კრიტერიუმებში გათვალისწინებულია ყველა ის საკითხი, რომელიც უზრუნველყოფს დევნილთათვის ბინების სამართლიანად განაწილებას, იქნება ეს კომპაქტური ჩასახლება თუ კერძო სექტორი. მინისტრმა აღნიშნა, რომ იმერეთის რეგიონში ბინების განაწილება კრიტერიუმების მიხედვირთ ორშაბათიდან დაიწყო."
დავით დარახველიძესთან ჟურნალისტების შეხვედრა ერთ საათს გაგარძლდა და მინისტრმა დასმულ ყველა კითხვას უპასუხა.
