როგორც მან დღეს "პრაიმ-ტაიმის" პრესკლუბში განაცხადა, საქართველოში რევოლუცია არა 2003 წელს, არამედ 1 ოქტომბერს მოხდა.

მისი განმარტებით, 2003 წელს არა რევოლუცია, არამედ სახელმწიფო გადატრიალება მოხდა.

"გამარჯვებას მივაღწევთ და ეს გამარჯვება იქნება 14 აპრილს, 14 საათზე სპორტის სასახლეში. ეს შეხვედრა გადაიზრდება სახალხო მოძრაობაში. ასევე, ყრილობაზე დავაყენებთ საკითხს შეიქმნას კომისია, რომელიც შეისწავლის 9-წლიან მმართველობის პერიოდს "ნაციონალური მოძრაობის", - განაცხადა კაკაბაძემ.

მისი თქმით, 14 აპრილს ყრილობის მონაწილეები მიიღებენ გადაწყვეტილებას, 15 აპრილს მთლიანად წავიდნენ პარლამენტში თუ რაღაც ნაწილი გაემგზავროს.

კაკაბაძის განცხადებით, პარლამენტში ისინი იმ მოთხოვნების ჩასატანად წავლენ, რომლებსაც 14 აპრილს დააყენებენ.

"19 აპრილს თბილისში არანაირი აქცია არ გაიმართება. დღესდღეობით 19 აპრილი არ დგას დღის წესრიგში. თუ კი ყრილობის მონაწილეები ჩათვლიან საჭიროდ, რომ 19 აპრილს დაიგეგმოს რაიმე აქტივობა, ჩვენც რა თქმა უნდა მას დავემარჩილებით", - აღნიშნა ნანა კაკაბაძემ.

მისივე თქმით, სამართლიანობა აღდგება და აღდგება ქართველი ხალხის ხელით.

14 აპრილს "რეჟიმის გასამართლების მოთხოვნით" სპორტის სასახლეში აქცია გაიმერთება. აქციის ორგანიზატორები ყოფილი პოლიტპატიმრები არიან.